15 NOYABR SAAT 13.00-DA Reportyorların Azadlıq və  Təhlükəsizlik İnstitutunun mətbuat mərkəzində Redaktorlar Birliyinin toplantısı keçiriləcək.

   Göyçay rayon sakini, cari ilin oktyabr və noyabr aylarında Ucar rayonunda baş verən qanunsuzluqlar, xüsusən də “Kurtlar vadisi” adlı mütəşəkkil cinayətkar dəstənin fəaliyyət göstərməsi və qadın alveri ilə bağlı məlumatlar verən Taleh Xasməmmədov həbs edilib.  
 

Noyabrın 11-də Avropa Birliyinin Azərbaycandakı nümayəndəliyi, Birləşmiş Krallığın və Polşanın Azərbaycandakı səfirliklərinin nümayəndələri 14 saylı cəzaçəkmə müəssisəsində keçmiş deputatlığa namizəd, gənc blogger Bəxtiyar Hacıyevlə görüşüblər.

 11 NOYABR SAT 12.00-DA Reportyorların Azadlıq və Təhlükəsizlik İnstitutunun Mətbuat Mərkəzində   “Yasavul” Hüquq Şirkətinin direktoru Əliabbas Rüstəmov “Məhkəmələrdəki özbaşınalıqlar, qanunsuzluqlar və rüşvətxorluq halları”na  dair mətbuat konfransı  keçirəcək.

 11 NOYABR SAT 13.00-DA Reportyorların Azadlıq və Təhlükəsizlik İnstitutunun Mətbuat Mərkəzində   “Demokratiya və vətəndaş cəmiyyətinin inkişafına kömək” İctimai Birliyinin yaranmasının təqdimatı keçiriləcək.

Bu gün (10 noyabr) Bakı Apellyasiya Məhkəməsində hakim Faiq Qasımovun sədrliyi sədrliyi ilə “Xural” qəzetinin həbsdə olan baş redaktoru Əvəz Zeynallının barəsində Nəsimi  rayon Məhkəməsinin 26 oktyabr 2011-ci il tarixdə  çıxardığı qərardan – telefon danışıqlarının dinlənilməsi ilə  bağlı verilən apellyasiya şikayəti təmin edilməyib.

Noyabrın 10-da Naxçıvan Muxtar Respublikası  Ali Məhkəməsində  hakim Fəxrəddin Məmmədovun sədrliyi ilə   Şərur rayon Məhkəməsinin Reportyorların Azadlıq və Təhlükəsizlik İnstitutunun (RATİ)  Naxçıvandakı bölgə müxbiri Həkimeldostu Mehdiyev barədə çıxardığı hökmdən verilmiş apellyasiya şikayətinə baxılıb. Hakim ilk məhkəmə instansiyasının çıxardığı qərarı olduğu kimi qüvvədə saxlayıb.

Bu gün (3 noyabr) Bakı Apellyasiya Məhkəməsində hakim Qail Məmmədovun sədrliyi ilə “Xural” qəzetinin həbsdə olan baş redaktoru Əvəz Zeynallının barəsində Nəsimi  rayon Məhkəməsinin çıxardığı qərarlardan – barəsində həbs-qətimkan tədbirinin seçilməsi,  evində və ofisində aparılan axtarışla bağlı verilən apellyasiya şikayətləri təmin edilməyib.

Bu gün ( 3 noyabr) Nəsimi rayon məhkəməsində hakim Etibar Hümbətovun sədrliyi ilə  Xalid Bağırovun vəkillik fəaliyyətinin 1 il müddətinə dondurulmasına dair Vəkillər Kollegiyasının 24 avqust 2011-ci il tarixli qərarından verdiyi  iddia üzrə məhkəmə prosesi keçirilib və iddia təmin olunmayıb.

Reportyorların Azadlıq və Təhlükəsizlik İnstitutu "Xural" qəzetinin baş redaktoru Əvəz Zeynallının  Azərbaycan iqtidarının siyasi sifarişi əsasında həbs alınmasını qətiyyətlə pisləyir və onu dərhal azadlığa buraxmağa çağırır.