Noyabrın 30-da Nizami rayon Məhkəməsi Şirvan şəhər sakini İsa Məhərrəmovun “Yeni Müsavat” qəzetinə  qarşı iddiasına baxıb.

30 NOYABR SAT 12.00-DA Reportyorların Azadlıq və Təhlükəsizlik İnstitutunun Mətbuat Mərkəzində   “Yasavul” Hüquq Şirkətinin direktoru Əliabbas Rüstəmov “Məhkəmələrdəki özbaşınalıqlar, qanunsuzluqlar və rüşvətxorluq halları”na  dair mətbuat konfransı  keçirəcək.

Bu gün “Xural” qəzetinin baş redaktoru Əvəz Zeynallının həbsindən bir ay keçir. Bununla bağlı, baş redaktorunun hüquqlarının ictimai müdafiəsi ilə bağlı RATİ-nin Mətbuat Mərkəzində  mətbuat konfransı keçirilib.

Bu gün (29 noyabr) Ali Məhkəmədə hakim İmran Hacıqayıbovun sədrliyi ilə gənc fəal Cabbar Savalanlının 2 il 6 ay müddətinə azadlıqdan məhrum edilməsi barədə Sumqayıt Apellyasiya Məhkəməsinin 26 iyul 2011-ci il tarixdə çıxardığı hökmdən verilmiş kassasiya şikayəti üzrə məhkəmə prosesi  keçirildi.

25 noyabr 2010-cu il tarixində elan edilmiş 103.3 FM tezliyi üzrə  radio yayımı  müsabiqəsində iştirak etmiş “Obyektiv - Televiziya və Radio Yayım Şirkəti” Məhdud Məsuliyyətli Cəmiyyətin təsisçiləri Emin Hüseynov, Mehman  Əliyev və  digər iddiaçı Rəsul Cəfərovun Milli Televiziya və  Radio Şurasına qarşı bir icraatda birləşdirilmiş iddiaları üzrə  şikayət    25 noyabr 2011-ci il    tarixində Avropa Məhkəməsinə göndərilib. 

29 NOYABR SAAT 13.00-DA Reportyorların Azadlıq və Təhlükəsizlik İnstitutunun mətbuat mərkəzində “Xural” qəzetinin kollektivi Əvəz Zeynallının həbsi ilə bağlı dəyirmi masa keçirəcək.

İranlı ayətullah şeyx Məhəmməd Lənkərani azərbaycanlı yazıçı, publisist Rafiq Tağının öldürülməsini alqışlayıb(“Turan”). Bu  xəbər noyabrın 28-də din xadiminin saytında yayılıb:  www.fazellankarani.com/persian/news/4878/

Bu gün Binəqədi rayon Polis İdarəsində jurnalist və hüquq müdafiəçisi  İdrak Abbasovun ailə üzvlərinə qarşı basqında  iştirakda şübhəli bilinən şəxslərlə üzləşmə keçirilib. 

   25 NOYABR SAAT 11.00-DA Reportyorların Azadlıq və Təhlükəsizlik İnstitutunun Mətbuat Mərkəzində “Vətəndaş Hərəkatı” Forumu 1 il ərzində müxalif partiyalarla apardığı müzakirələr barədə yekun hesabatın təqdim edilməsi ilə bağlı  mətbuat konfransı keçirəcək.

            Reportyorların Azadlıq və Təhlükəsizlik İnstitutu 23 noyabr Beynəlxalq Cəzasızlıqla Mübarizə Günündə jurnalist-yazıçı Rafiq Tağının ölümünə gətirib çıxardan qətli Azərbaycan hökumətinin jurnalistlərə və söz azadlığına olan etinasızlığını qınayır.