RATİ haqqında məlumat

Reportyorların Azadlıq və Təhlükəsizlik İnstitutu (RATİ) yerli QHT-dir və 2006-cı il Ümumdünya Mətbuat Azadlığı günündə 2 Azərbaycan jurnalisti – Emin Hüseynov (“Turan” İnformasiya Agentliyinin keçmiş müxbiri) və Sarvan Rizvanov (“Turan” İnformasiya Agentliyinin keçmiş müxbiri) - tərəfindən yaradılmışdır. 29 sentyabr 2006-cı ildə Azərbaycan Respublikası Ədliyyə Nazirliyi tərədindən rəsmən qeydiyyata alınmışdır.

RATİ-nin nizamnaməsinə əsasən, təşkilatın missiyası belədir:

·        Xəsarət almış jurnalistlərə dərhal lazım olan hüquqi yardım göstərmək

·        Azərbaycanda mətbuat azadlığı üzrə hesabatlar hazırlamaq

·        Jurnalistlər əleyhinə zorakılıq baş verdikdə, müstəqil jurnalistlər tərəfindən bu məsələlərin istintaqını təşkil etmək

·        Jurnalistlər üçün treninqlər və seminarlar təşkil etmək

·        Jurnalistlərin təhlükəsizliyi və onların iş hüquqlarının qorunması üzrə layihələr hazırlamaq

·        Jurnalistlərin problemlərinə həsr edilmiş dəyirmi masalar təşkil etmək

·        Beynəlxalq jurnalist təşkilatları ilə əlaqələr qurmaq və sair.

Yarandığı ilk gündən RATİ Azərbaycanda jurnalistlərə qarşı baş verən zorakılıqlar və hüquq pozuntuları üzrə müşahidələr aparmışdır. RATİ bəyanatlar hazırlamış, mətbuat konfransları keçirmiş və jurnalistlərin hüquqlarının pozulması və jurnalistlərə qarşı baş verən zorakılıqlar barədə məlumatlılığı artırmışdır. RATİ Azərbaycanda hörmətlə yanaşılan jurnalist təşkilatına çevrilmiş və Jurnalistləri Müdafiə Komitəsi (JMK), Beynəlxalq Mətbuat İnstitutu (BMİ), Sərhədsiz Reportyorlar, Amnesty İnternational, Hyuman Rayts Vatç, Hyuman Rayts Haus, NED, Avropa Şurası, ATƏT, Memo 98, Açıq Cəmiyyət İnstitutu (keçmiş Soros) və sair təşkilatlar da daxil olmaqla, bir çox beynəlxalq təşkilatlarla iş əlaqələri qurmuşdur. 2007-ci ilin oktyabrında RATİ nüfuzlu İfadə Azadlığının Müdafiəsi üzrə Beynəlxalq Assosiasiya (İFEX) təşkilatına üzv olmuşdur.

Daha ətraflı məlumat üçün bizə müraciət edin:

Sədr: Emin Hüseynov

Ünvan: Rəşid Behbudov küç. 8, mənzil 85/86, Bakı, Azərbaycan

Tel: (+99 412) 418-0334

Faks: (+99 412) 598-4519

E-mail: Bu E-Məktub adresinin spam botlara qarşı təhlükəsizliyi təmin olunmuşdur, görəbilmek için Javascript açıq olmalıdır.

Veb səhifə: www.irfs.az