Göyçay rayon Polis Şöbəsinin inzibati təqiblər üzrə baş inspektoru Bəxtiyar Həşimov və Göyçay rayon Polis Şöbəsinin istintaq bölməsinin rəisi Rüfət İbayevin “Demokratiyanın Müdafiəsinə Kömək” ictimai birliyinin sədri hüquq müdafiəçisi Vidadi İsgəndərova qarşı xüsusi ittiham qaydasında iddia üzrə məhkəmə prosesi keçirildi.
Prosesdə cavabdeh Vidadi İsgəndərov və iddiaçıların vəkili Əlirza Həbilov iştirak edirdilər.
Vəkil Ə. Həbilov iddiaya səbəb olan məqalədə hüquqlarını müdafiə etdiyi şəxslər barəsində yer alan fikirlərin əsassız olduğunu və heç bir dəqiq mənbəyə söykənmədiyini deyərək, onların böhtana məruz qaldıqlarını bildirdi və V.İsgəndərovun CM-nin 147.2-ci (Ağır və ya xüsusilə ağır cinayətdə ittiham etməklə böhtan atma) maddəsi ilə məsuliyyətə cəlb edilməsini məhkəmədən xahiş etdi.
V.İsgəndərov isə bildirdi ki, iddiaçıların özlərinə böhtan kimi qəbul etdikləri fikirləri, hüquqları pozulmuş Göyçay rayon sakinləri keçirdikləri mətbuat konfransında səsləndiriblər və mətbuatda dərc olunub. O, iddianı əsassız hesab etdiyini dedi.
Hakim X. Tağıyev növbəti prosesi 6 iyul saat 15:30-a təyin etdi.
Əlavə edək ki, prosesdə Reportyorların Azadlıq və Təhlükəsizlik İnstitutunun (RATİ) əməkdaşı foto və videoçəkiliş aparılması ilə bağlı müraciət təqdim etsə də, hakim çəkilişə icazə verməyib.
Qeyd edək ki, Vüqar Məmmədyarov iyun ayının əvvəlində Göyçay rayon Polis Şöbəsinin rəisi vəzifəsindən azad edilib və Dövlət yol polisinin Şirvan şəhər qeydiyyat imtahan şöbəsinin rəisi təyin olunub.
Xatırladaq ki, iddiaçılar “Azadlıq” qəzetinin 2 aprel tarixli sayında “Polis məndən 3 min manat rüşvət alıb” adlı yazıda V.İsgəndərovun ona böhtan atdığını hesab edərək, Cinayət Məcəlləsinin 147.2 (ağır və ya xüsusilə ağır cinayətdə ittiham etməklə böhtan atma) maddəsi ilə xüsusi ittiham qaydasında iddia qaldıraraq, cinayət məsuliyyətinə cəlb olunmasını istəyiblər.
.jpg&w=65&h=0&q=100 "Новости :: ƏVƏZ ZEYNALLI İLƏ BAĞLI APELLYASİYA ŞİKAYƏTLƏRİ TƏMİN EDİLMƏYİB")
