“Azadlıq” qəzetinə və Azərbaycanın aparıcı müxalifət partiyalarından birinin sədri Əli Kərimliyə qarşı “qara piar” xarakteri daşıyan təxminən 43 dəqiqəlik “sənədli” filmdə balanslaşdırılmamış və məsuliyyətsiz informasiya verilir. Bundan əlavə, pornoqrafik şəkillər nümayiş etdirilir, filmdə kobud dillə danışılır və informasiyanın  açıq yalan olduğu görünür.
“İflas” filminin nümayiş etdirilməsi ölkənin bir sıra qanunlarını, habelə beynəlxalq müqavilələri pozub. Belə ki, hakimiyyətdə işləyən şəxslərin yolverilməz hərəkətləri filmdə nümayiş etdirilib (xüsusilə parlamentdə Əli Kərimlinin seksual oriyentasiyası ilə bağlı müzakirələr).
RATİ ötən həftənin böyük hissəsini bu filmi analiz etmiş və müəyyənləşdirmişdir ki, filmdəki mətnlər qrammatik səhvlərlə və bitməmiş ifadələrlə oxunub ki, bu da tamaşaçılar tərəfindən düzgün başa düşülməyə bilər. Bu təkcə “Lider” TV-nin jurnalistlərinin peşəkarlığının aşağı olmasını deyil, həm də onların müəyyən faktları sübut etmək istəklərinin olmadığını təsdiqləyir. Pornoqrafik şəkillərdən və kobud dildən istifadə edərək insanları sensasiya ilə heyrətləndirmək istəklərinin olması da filmdə sezilir. Bu film xeyli sayda insanın televizora baxdığı bir vaxtda nümayiş etdirilib. Filmin belə vaxtda nümayiş etdirilməsi istənilən ölkədə qəbuledilməzdir.
RATİ  güman edir ki, filmin nümayiş etdirildiyi vaxt təsadüfi deyil. “İflas” filmi ötən ay “Lider” TV-də “Azadlıq” qəzetinin əməkdaşı Aqil Xəlilə qarşı böhtan xarakterli videosüjet kimi 2008-ci il prezident seçkiləri ərəfəsində siyasi müxalifət nümayəndələrini şərləməyə yönəlmiş növbəti addımdır. 
RATİ hesab edir ki, “İflas” filminin nümayiş etdirilməsi bir sıra hüquq müdafiə təşkilatlarının və müstəqil medianın dediyini sübut edir: Azərbaycan hakimiyyətinin Azərbaycanda müxalifət və müstəqil mətbuat nümayəndələrinin peşəkarlığının artırılmasının zəruriliyi haqqında iddialarına baxmayaraq, Azərbaycan hakimiyyətinin tapşırıqlarını icra edən medianın özü jurnalist etikasını ən kəskin şəkildə pozur.
Yuxarıdakı fikri əsas tutaraq RATİ Milli Televiziya və Radio Şurasını (MTRŞ) “İflas” filmini nümayiş etdirməklə yerli və beynəlxalq qanunvericiliyi pozan Lider TV-yə qarşı təxirəsalınmaz tədbirlər görməyə, habelə açıq şəkildə Azərbaycan mənəviyyatını və dəyərlərini təhqir edən və Azərbaycanın beynəlxalq imicinə zərbə vuran bu cür qeyri-qanuni verilişlərin nümayiş etdirilməsinə son qoymağa çağırır.
RATİ həmçinin yerli hüquq-mühafizə orqanlarını “İflas” kimi filmləri hazırlanmasına və nümayiş etdirilməsinə göstəriş verən insanları məsuliyyətə cəlb etməyə çağırır. Nəhayət RATİ beynəlxalq ictimaiyyəti Azərbaycan hakimiyyətini qınamağa, bu cür filmlərin gələcəkdə nümayiş etdirilməməsi üçün zəruri sanksiyalar tətbiq etməyə və Azərbaycan hakimiyyətini bütün vətəndaşların haqlarına hörmətlə yanaşmağa və insan haqları sahəsində bütün beynəlxalq öhdəlikləri yerinə yetirməyə məcbur etməyə çağırır.

Bu filmə “YouTube”-da baxmaq üçün aşağıdakı linkləri seçin:
“İFLAS” Filmi Hissə I: http://www.youtube.com/watch?v=8zk3FmZtY8Q
“İFLAS” Filmi Hissə II: http://www.youtube.com/watch?v=H-Hhvqg8irg
“İFLAS” Filmi Hissə III: http://www.youtube.com/watch?v=r02ph2keuWw
“İFLAS” Filmi Hissə IV: http://www.youtube.com/watch?v=LbZLZImN1Wg
“İFLAS” Filmi Hissə V: http://www.youtube.com/watch?v=4v49ayYirHA

RATİ HESAB EDIR KI, “İFLAS” FILMI AŞAĞIDAKI NORMATIV-HÜQUQI AKTLARI POZUB:
Azərbaycan Respublikasının Konstitusiyası:
Maddə 32 Şəxsi toxunulmazlıq hüququ
Maddə 46 Şərəf və ləyaqətin müdafiəsi hüququ
Maddə 63 Təqsirsizlik prezumpsiyası
Avropa İnsan Haqları Konvensiyası:
Maddə 3 İşgəncələrin qadağan olunması
Maddə 6 Ədalətli məhkəmə araşdırması hüququ
Maddə 8 Şəxsi və ailə həyatına hörmət hüququ
Maddə 14 Ayrı-seçkiliyin qadağan olunması
Azərbaycan Respublikası Cinayət Məcəlləsi:
Maddə 147 Böhtan
Maddə 148 Təhqir
Maddə 156 Şəxsi həyatın toxunulmazlığını pozma
Maddə 300 Təhqiqat və ya ibtidai istintaq məlumatlarını yayma
“Televiziya və radio yayımı haqqında" Azərbaycan Respublikasının Qanunu:

Fəsil 1, Maddə 3 – Teleradio fəaliyyətinin əsas prinsipləri
Yayımçı öz fəaliyyətində informasiyanın əhatəliliyi, obyektivliyi, tam və doğru-dürüstlüyü, vətəndaşların öz fikir və baxışlarını sərbəst ifadə etməsi, ideoloji və siyasi plüralizm, tərəfsizlik və qərəzsizlik, insanların şəxsi həyatına müdaxilənin yolverilməzliyi, milli-mənəvi dəyərlərin qorunması, peşə etikasına və əxlaq normalarına riayət edilməsi, proqramların keyfiyyətliliyi prinsiplərinə əsaslanır.
Fəsil 5, Maddə 33  - Uşaqların və yetkinlik yaşına çatmayanların qorunması
33.1. Müvafiq dövlət orqanı uşaqların və yetkinlik yaşına çatmayanların fiziki, əqli və mənəvi inkişafına ziyan vura bilən və kodsuz yayımlanan, o cümlədən erotikanı və qəddarlığı əks etdirən proqramlar üçün xüsusi qaydalar müəyyənləşdirir.
33.2. Göstərilmə vaxtı məhdudlaşdırılmış proqramların anonsunda, eləcə də yayımından əvvəl bu barədə mütləq məlumat verilməlidir.
33.3. Göstərilmə vaxtı məhdudlaşdırılmış proqramların yayımı uşaqların və yetkinlik yaşına çatmayanların baxmasına qadağa qoyulduğunu bildirən xüsusi simvollar, yazılar, yaxud proqramın xüsusiyyəti barədə digər xəbərdaredici nişanlarla müşayiət olunmalıdır.

KİV haqqında Qanun:
Maddə 10.1 – Gizli lent yazıları
Gizli audio və video yazılardan, kino və foto çəkilişindən istifadə etməyə və ya hazırlanmış məlumat  və materialları yaymağa yalnız aşağıdakı hallarda yol verilir
Şəxsin və ya vətəndaşın bu barədə yazılı razılığı varsa, habelə kənar şəxsin Azərbaycan Respublikası Konstitusiyası ilə müəyyən edilmiş hüquq və azadlıqlarının qorunması üçün zəruri tədbirlər görülmüşdürsə
Məhkəmənin qərarı ilə nümayiş etdirilirsə.
Bu maddənin tələblərini pozaraq gizli audio-video yazılardan , kino-foto çəkilişindən istifadə olunması və onun yayılması AR qanunvericiliyinə uyğun şəkildə məsuliyyətə səbəb olur.
Uşaqların və yetkinlik yaşına çatmayanların fiziki, əqli və mənəvi inkişafına ziyan vura bilən və kodsuz yayımlanan, o cümlədən erotikanı və qəddarlığı əks etdirən proqramlar üçün xüsusi Qaydalar (MTRŞ tərəfindən 1 mart 2006-cı ildə qəbul olunmuşdur).
*RATİ Cinayət Məcəlləsinin 147 və 148-ci maddələrini əsas etibarilə cinayət məsuliyyəti yaradan maddələr kimi dəstəkləmir, yalnız həmin maddələrin bu məsələyə aid olduğunu qeyd edir.
 

“LİDER” TELEKANALINDA NÜMAYİŞ ETDİRİLƏN “İFLAS” ADLI SƏNƏDLİ FİLMİN STENOQRAMI

Aparıcı:

Siyasət -  kimlərsə onu çirkin bir iş, yəni aldatma sənəti, bəziləri sadəcə əyləncə, digərləri isə siyasətin əsl kişilərə məxsus olduğunu iddia ediblər. Amma siyasətdə heç də həmişə təkcə kişilər olmur. Söhbət cinsi anlamdan getmir. Çünki “dəmir ledi” kimi epitetlər siyasət elminin artıq cinsiyyət kateqoriyasını çoxdan inkar etdiyini göstərir. Amma elə keyfiyyətlər də var ki, bunlar qadın və ya kişi olmasına baxmayaraq, siyasətçidə mütləq olmalıdır. Məşhur Roma şairi Publit deyirdi ki, özünü idarə edə bilməyəndən heç vaxt başqasını idarə edə biləcək yaxşı siyasətçi çıxmaz. Bu baxımdan çağdaş Azərbaycanın yeni siyasət tarixinin palitrası çox rəngarəngdir. Və bu palitrada özünəməxsus rəngi, özünə məxsus siyasi dəllallığı, Azərbaycan insanına xas olmayan xəyanəti ilə bir fiqur xüsusilə diqqəti cəlb edir.
Siyasət biz azərbaycanlılar üçün bir qədər yeni anlam, yeni elm olsa da bizim xalqın böyüyə, ağsaqqala hörmət, sözü üzə demək, dəyərləri uca tutmaq kimi öz siyasəti olub. Amma Əli Kərimov kimilərinin siyasətdəki dırnaqarası fəaliyyəti Azərbaycanın siyasət tarixində qara ləkə olaraq qalacaq. Gəlin həmin tarixə qayıdaq. 90-cı illərin əvvəllərində Azadlıq meydanından başlanan Xalq Hərəkatı və onun Əbülfəz Elçibəy başda olmaqla digər liderləri Azərbaycan tarixində öz layiqli yerlərini tutdular. Amma post Elçibəy dövrü deqradasiyalara uğramadan ötüşə bilmədi. Hərəkatın varisi olan bir partiya sonradan özünün acınacaqlı bir dövrünə qədəm qoyaraq, daha bir böhrandan qurtulmadı. Söhbət Azərbaycan Xalq Cəbhəsi, sonradan isə P hərfi əlavə olunan AXCP-dən gedir. Bu nədən baş verdi və ya bütün olanların arxasında kimlər dayanırdı? Biz bunu araşdırmağa çalışacağıq. Yəqin yaxın keçmişimiz  bizləri, sadə Azərbaycan vətəndaşlarını da maraqlandırmaya bilməz. Çünki keçmişi bilmədən gələcəyi müəyyənləşdirmək çox çətindir.
Təbii ki, Azərbaycan Xalq Cəbhəsinin ən başlıca faciəsi onun hazır olmadan hakimiyyətə gəlməsi idi. Amma kadr siyasəti və partiya sıralarına maskalanmış şəxslərin soxulması heç də birinci səbəbdən az əhəmiyyət daşımırdı. Belə ki, həmin insanların içində baş qaldıran ambisiya və eqoizm hisləri sonradan qurumu bir nəfərin monopoliyasına, daha dəqiq desək kommersiya strukturuna çevirməklə, AXC-nin faktiki mövcudluğuna son qoymuş oldu. Bəli, söhbət bir xəyanətin tarixçəsindən gedəcək. Elə bir tarixçədən ki, bunu bilməyə və nəinki bilməyə, həm də ibrət götürməyə dəyər. Xalq bilməlidir ki,  bu gün Azərbaycan cəmiyyətinə mənəvi dəyərlərdən dərs keçənlər bir neçə il öncə ən böyük mənəviyyatsızlıqların müəllifləri olublar. Onlar özləri ilk olaraq, Azərbaycan siyasətinə, Azərbaycanın mətbuatına “qara piar”ı gətirənlərdir. Əli Kərimovun təqib və tənqidlərindən gileylənməyi sevdiyi telekanalların hələ mövcud olmadığı bir dönəmdə o zamankı mətbuatda böyük bir şəbəkə, təbliğat maşını Kərimova xidmət edirdi. Xoşu gəlmədiyi silahdaşlarına şər, böhtan yağdırmaq Əli Kərimova bir düyməni basmaq qədər asan idi ki, sabahkı gün həmin siyasətçi partiya daxilində yaratdığı gizli təşkilatın, “yurd”un nəzarətində olan mətbuatın vasitəsi ilə cəmiyyətdə rüsvay olunsun. O doğurdan da əvvəli təmiz amallar üzərində qurulan bir hərəkata, həmçinin mətbuata da P hərfini yapışdıra bildi.
AXC Ali Məclisinin keçmiş üzvü Ramiz Tağıyev:

Birinci “qara piar”la ... artıq özünü bu paslanmış müxalifət liderləri bu “qara piar”ın ustası oldular. Və xüsusilə də mən deyim ki, müəyyən məsələlərdə Əli Kərimli çox səriştəlidir. Çox səriştəlidir. Xüsusilə “qara piar” məsələsində, rəqiblərini başqa yollarla ləkələmək, sıxışdırmaq, mətbuatla işləmək, mətbuatda öz emissarlarını göndərmək bir çox qəzetlərə göndərmək və bu  öz texnologiyasını yeritməkdə xüsusi səriştəyə malikdir. Yəni bu səriştə də millətin xeyri üçün işləmir.

Aparıcı:
 
Əli Kərimovun daxili naqisliyi o həddə çatdı ki, hətta mərhum Əbülfəz Elçibəyin siyasətdə, hətta partiyada tutduğu mövqeyinə paxıllıq etməyə başladı. O yaxşı bilirdi ki, Əbülfəz Elçibəy onun özü düşündüyü siyasi karyerası üzərində ciddi bir maneədir. Ona görə də, bu maneəni keçmək üçün ən şərəfsiz, kişiyə, insanlığa yaraşmayan bir məqam seçdi. Elçibəy səhhəti pisləşməsi üzündən Türkiyənin Gülhanə xəstəxanasında yerləşdirilən zaman Əli Kərimov bir vaxtlar özünün mənəvi atası adlandırdığı bir şəxsə qarşı hücuma keçdi. Nəzarətində olan qəzetdə Azərbaycan mətbuat tarixində ilk dəfə olaraq, “qara piar” taktikasını işə salmaqla Elçibəyin guya ki, zöhrəvi xəstəliyə tutulması barədə yazılar dərc etdirməyə başladı. Kərimovun muzdlu yazarları digərlərini də bu çirkli kampaniyaya qoşmağa çalışırdılar. Bir insan xəstəxanada ölümün pəncəsində boğulduğu zaman mənəvi atası adlandırdığı bu şəxsə murdar damğalar vuraraq onun əxlaqsız həyat tərzindən bu hallara düşdüyünə işarələr verirdi. İlk dəfə idi ki, Azərbaycan mətbuatında kişi cinsiyyət orqanlarının şəklini əyani vəsait kimi çəkdirərək polemikalar təşkil etdirirdi.

AXC Ali Məclisinin keçmiş üzvü Ramiz Tağıyev:

   Bəzi məqamlarda Əli Kərimlinin fəndinə, felinə inanıb, hətta müəyyən məqamlarda Elçibəyə baxışlarım da dəyişdi. Yəni bunu.... Ancaq bu adam bayaq dediyim kimi çoxlu qəzetlər çıxır. Bəzən görürdüm ki, bunun qəzetlərdə şəbəkəsi var, qeyd elədim. O şəbəkənin vasitəsilə cürbəcür qəzetlərdə mənim adımdan da hətta  Elçibəyə qarşı müəyyən yazılar təşkil edirdi. Və yaxud da həmin jurnalistlər Əli Kərimlinin təşəbbüsü ilə məni axtarıb tez tapırdılar. Və gizlətmirdilər ki, onlara Əli Kərimli məsləhət görüb məndən müsahibə və müsahibə ancaq o ətrafda qurulurdu ki, ordan bircə ifadə tapıb  Elçibəyə qarşı qoysun.

Aparıcı:

Siyasətdə sərt bəyanatlar, gözlənilməz addımlar çox olub. Amma 1990-cı ilin 20 yanvar faciəsindən bir ay ötməmiş Əli Kərimovun Moskva mətbuatına verdiyi müsahibəsində səsləndirdiyi fikirlər heç bir siyasət çərçivəsinə sığa bilməz.

 Keçmiş AXC üzvü Təhmasib Novruzov:  

1990-cı ilin mart ayında faciənin hələ qırxı çıxmamış mart ayında “Komsomolski Pravda” qəzetinə müsahibə verdi. Azərbaycan Dövlət Universitetinin tələbəsi kimi, komsomolçu kimi müsahibə verir və deyir ki, 20 yanvar hadisəsində Sovet rəhbərliyi yox, Azərbaycanını ayrı-ayrı avantürist-ekstremist ünsürləri günahkardır. Bu həmin Əli Kərimlidir! Xalq faciə içində göz yaşı axıdır, özünün faciəsinə göz yaşı axıdır. Bu xalqın bu faciəsini Moskvanın yox, xalqın özünün törətdiyini iddia edir.

Aparıcı:
 
Əbülfəz Elçibəyin vəfatından sonra Əli Kərimovun AXC-ni öz əlinə almaq planları daha da sürətlə reallaşmağa başladı. Amma bu proses elə də asan baş vermədi. Partiya daxilində baş verən ziddiyyətlər parçalanmalarla sonuclandı. İlk parçalanmanın adı islahatçılarla, klassiklər olsa da sonradan bunlardan da yeni-yeni şaxələr, qanadlar meydana çıxdı. Amma Əli Kərimov özünü əski cəbhəçinin varisi elan etsə də, onun yanında həmin cəbhəçilərdən demək olar ki, bir kimsə qalmamışdı.

AXC Ali Məclisinin keçmiş üzvü Ramiz Tağıyev:

Əli Kərimlinin atdığı addımlar niyə nəticəsiz qalmadı. Cəbhənin əsas, necə deyim nüvəsi ayrıldı getdi. Bütün Elçibəy sevərlər, Elçibəylə Milli Azadlıq Hərəkatının önündə gedənlər Əli Kərimlinin ətrafında çox az insan qaldı ki, onların Hərəkatda  müstəsna xidmətləri olan insanlardan bəziləri qalıb. Qalma səbəblərini də mən bilirəm ki, nədən qalıblar. Elə bilirəm ki...... haradasa müəyyən məqamda Əli Kərimli ilə nə isə bir bəzi  məsələləri var ki, orda ilişib qalıblar. Ancaq Klassik Xalq Cəbhəsi ayrıldı getdi. Yəni Xalq Cəbhəsinin 3-4 yerə ayrılmasının səbəbkarı kim idi? Bu gün Azərbaycan cəmiyyəti bilir ki,  Xalq Cəbhəsini darmadağın edən iqtidar olmadı.

Keçmiş AXC üzvü Təhmasib Novruzov:  

 Mənim bir sualıma cavab versin. Bu gün Azərbaycan Xalq Cəbhəsinin bazasında yaranan və özünü onun varisi adlandıranın AXCP-də bircə nəfər də olsun Azərbaycan Xalq Cəbhəsini yaradanlardan, onun fəallarından varmı? Bircə nəfərin adını çəksin mənə. Yeganə qalan Ramiz Tağıyev idi. O da həbs olundu, həbsdən qayıdandan sonra buna kömək eləmək əvəzinə, buna arxa durmaq əvəzinə Ramiz Tağıyevi də elə bir vəziyyətə saldılar ki, axırda Ramiz Tağıyev də iyrəndi qaçdı burdan. Burdakı vəziyyəti gördü və nifrət elədi bunlara. Yəni, bu gün mən siyahı sizə təqdim edə bilərəm Azərbaycan Xalq Cəbhəsinin  Ali Məclisinin ilk üzvləri olan 102 nəfər, yəni bu təşkilatı yaradan 102 nəfər. O 102 nəfərdən bircə nəfəri də olsun bu gün AXCP-də adı varsa onda deyək ki, doğurdan bu AXC-nin varisi adını daşımağa ixtiyarı var. Bir nəfər də yoxdur. Niyə? Ona görə ki, məhz bu cür sağlam, təmiz, təmənnasız  hərəkatçıları təşkilatdan uzaqlaşdırmaqda da məqsədi gəncləri, yeni nəsli bura cəlb eləyib özü kimi əxlaqsız yola çəkmək və bu eyni zamanda bu yolla da, bu variantla da Azərbaycan cəmiyyətinin siyasi mühitini pozmaq, ləkələmək, iyrəndirmək. Ona görə də bu gün sağlam qüvvələr, sağlam siyasi qüvvələr də bir mənalı şəkildə dərk eləməlidir və öz fikrini də deməlidir ki, Azərbaycan siyasətində Əli Kərimli kimilərə yer olmamalıdır.

Aparıcı :

Əli Kərimov siyasətə necə gəlmişdisə, həmin üsullarla da sonralar öz fəaliyyətini davam etdirirdi. Öz siyasi karyerası üçün hər şeyi, ən yaxın silahdaşlarını belə qurban vermək, onların faciəsi üzərində özünün siyasi gündəmə gətirməklə Azərbaycanın vurulan, söyülən ən ciddi demokrat imicini yaratmağa çalışması bunu deməyə əsas verirdi. Müşahidələr göstərir ki, onun mənfur niyyətlərinin icrasında sadəlövh gənclər daha tez-tez qurbana çevrilirlər.

AXC Ali Məclisinin keçmiş üzvü Ramiz Tağıyev:

Bir gənci.... bədbəxt oldu. Yəni bunun səbəbini, kökünü araşdıranda Ruslan Bəşirlidə mən günah görmürəm. Günah kimindi? Ruslan Bəşirli özünü dərk edəndən Əli Kərimlinin əhatəsindədir. Və görür ki, burda biznes maraqları var, görür ki, Əli Kərimli dəbdəbəli həyat sürür, Əli Kərimli müxtəlif qüvvələrdən pul almağa, rüşvət almağa hazırdır. Bu addımı da ilk andaca o atacaq.

Aparıcı (Ramiz Tağıyevdən soruşur):

Demokratiya adından?!

AXC Ali Məclisinin keçmiş üzvü Ramiz Tağıyev:

Bəli, ilk andaca o atacaq. Yəni burda deyək ki, hə hansısa xarici kəşfiyyat, deyək kimsə bunu qeydə aldı, maraqlı idi. Axı bu addımı alanda yəni bu məqamı kim yaşadı? Ruslan Bəşirli və digərləri yaşadı. Bu fakt idi. Bu gün nə qədər hay-küy salsan da, bu faktı silmək mümkün deyil. Xaricə getmiş bir gəncə bunu başa salan lazım idi ki, sən ora yeyib-içməyə, özünü itirməyə getməmisən. Digər məsələlərdə, adicə bir epizod göstərim. Bu gün  o jurnalistikanın, qəzetlərin ən çox böyük mövzusuna çevrilib, Aqil Xəlil mövzusu, təəssüfləndiricidir, təəssüfləndiricidir. Mən həqiqətən sevinmirəm belə hala. Ancaq yazırlar ki, Aqil Xəlilə işgəncə verilib və bu... ac saxlayıblar. Yəni burda bir bu maraqlı məqamdır. Mən həyatımda belə hallara... mübarizə... o elə gənclik yaşlarımdan mübarizənin içində olan insan olmuşam və rus imperiyasına etiraz edib, ilkin aclıq edənlərdən biri olmuşam, 15 gün ac qalmışam. Hətta o vaxtı xüsusi nəzarət var idi ki, bizə və mövqeyimdən dönməmişəm. Sən necə oldu bir 2 saat, 3 saat istintaq müddətində bu cür məsələlərə razılıq verdin.

AXC-nin keçmiş üzvü Təhmasib Novruzov: 

Bir neçə il öncə Ruslan Bəşirli adlı bir uşaq, ağzından süd iyi gələn bir uşaq getdi hamının gözü qarşısında bu efirdə nümayiş etdirildi. Hamı gördü ki, bu adam ermənidən 2 min dollar pulu aldı. Hay-küy saldılar. Qəzetin manşetindən düşmədi bu uşaq ki, ay aman, ay dad bu hakimiyyət bunu qəsdən durub qoşub. Hakimiyyətin qurğusudur. Gəldilər, beynəlxalq aləmdən də gəldilər. Kaseti aldılar, apardılar, Ekspert baxdı, yoxladı, gördü heç bir montaj yoxdur. Və bu həqiqətdir. Bu həqiqət olduğu təqdirdə deyək ki, başqa ölkələr, xarici ölkələr buna adi hal kimi baxa bilər. Amma mən bir Azərbaycan övladı kimi, Azərbaycanın müstəqilliyi uğrunda mübarizə aparmış bir insan kimi mən buna laqeyd qala bilmərəm axı. Mənim ölkəmin gəncliyi hara gedir? “Azadlıq” qəzeti bunun müdafiəsinə qalxdı. Bir az ondan öncə yadınıza gəlirsə, Qənimət Zahid getdi restoranda, bir otaqda özbək qızları ilə (gülür) biabırçı vəziyyətdə lüt ana bülbül şəkli çıxdı ortalığa ki, bu vəziyyətdədir. Dedi bunu da hakimiyyət. Hakimiyyət sənə demişdi ki, Qənimət Zahid get özbək qızları ilə burda biabırçı seks hərəkətləri elə. Lap demişdi tutaq ki, hakimiyyət hansısa bir adama, bəs sənin özünün əxlaqın, özünün mənəviyyatın, özünün kişiliyin. Bunu da başladılar müdafiəyə qalxdılar ki, Qənimət Zahidə çamar atırlar bu gün. İndi də eyni onun bir davamı  olaraq, Aqil Xəlil. Və biz buna görə “Azadlıq” qəzetini məhkəməyə vermək istəyirik ki, Azərbaycanı hansı istiqamətə çəkirsiniz siz, əxlaqsızlıq istiqamətinəmi? Və bə bu gedişin, bu siyasətin, bu addımların hara aparır Azərbaycanı. Mən də susum, sən də sus, hamı sussun. Və Əli Kərimli də onun partiyası da, inhisarına aldığı qəzet də öz bildiyini eləsin. Nə istəyir eləsin. Onda Azərbaycan gəncliyi pozulur axı.

Aparıcı :

 Əslində Aqil Xəlil olayı Əli Kərimov əxlaqının məntiqi davamıdır. Məsəl var deyərlər: Atı at yanına bağlasan, həmrəng olmasa da, həm xasiyyət olar. Bu olayda ataların sözü ola bilər bir balaca dəqiq deyil. Çünki, Aqil Xəlil Əli Kərimovla həm xasiyyət olmaqdan başqa eyni rəngi də paylaşır. Göründüyü kimi cinsi azlıqlara meyl Əli Kərimov və onun ətrafının zəif yeridir. Aqil Xəlilin oturub–durduğu adamların siyahısı da bunu bir daha sübut edir. Təəssüf ki, onun cavanlıq ehtirasları partiyanın sədri tərəfindən yanlış istiqamətə yönəldilib. Birdə ki, taylı tayını tapmasa günü ah-vayla keçər. Bu olayda həm də Kərimovun Azərbaycan gəncliyinə münasibəti və ondan istifadə etmək istəyi bir daha ortaya qoyulmuş oldu. Hətta son olay Əli Kərimovun cinsi azlıqların məşhur nümayəndələri ilə təxribat yönündə də iş birliyində olması şübhələrini yaradır. Yoxsa ictimaiyyəti aldatmağa çalışmağa, riyakarlığa daha nə ad vermək olar? Məlumatlara görə, Aqil Xəlil cinsi azlığın nümayəndəsi Strekalinlə aralarında olan münaqişəni əvvəlcə olduğu kimi polisə danışmaq istəyib. Amma məhz birinci zəng vurduğu “Azadlıq” qəzetinin  direktoru Azər Əhmədov ona bunu qadağan edərək, Əli Kərimovla məsləhətləşdikdən sonra məsələnin siyasiləşdirilməsinə dair öz bossundan təlimat alıb. Ardını, Aqil Xəlilin sonrakı taleyini isə düşünməyiblər. Burda yeri gəlmişkən maraqlı bir detala nəzər salaq. Əli Kərimov ətrafındakı gəncləri öz qurbanına çevirəndən sonra yalnız bir neçə ay onları müdafiə edir. Məsələn bir zamanlar az qala bütün səhifələrində Ruslan Bəşirlidən yazan “Azadlıq” qəzeti indi onu yada salırmı? Zəmanəmizin qəhrəmanı  Aqil Xəlili də bu aqibət gözləyir, elə başqalarını da.  

AXC Ali Məclisinin keçmiş üzvü Ramiz Tağıyev:

 Mənim çox hörmət bəslədiyim və Əli Kərimlinin siyasətinin qurbanı olan Qənimət Sakit ee.. Sakitin yaxınları deyirlər ki, bizə heç bir yerdən yardım olmur və çətinlik çəkirik. Bu ürək ağrıdıcıdır. Ancaq mənə elə gəlir ki, Əli Kərimli, Əli Kərimli təşkilatın rəhbəri olaraq, hətta əyninin kostyumunu satmalı da olsa, onlara yardım etməyə borcludur. Və Əli Kərimli həmən ərəfədə Qənimət Zahi.. aa... eeee... Mirzə Sakitin ailəsi bu məsələni qaldıranda ki, ailəm çətin durumdadır, iqtisadi vəziyyətim çətindir, Əli Kərimli yüzlərlə özünə yaxın olan çevrəni  yığıb, Qubada yeyib-içmək məclisinə gedir. Və orda da, təbii bilmirəm orda kimsə onlara yaxınlaşıb ya yaxınlaşmayıb, yenidən qəzetlərdə bir şey yaradır ki, şou yaradır ki, orda polis hücum elədi, bizi bu kef çəkməyə imkan vermədi. Əvvəla sual ortalığa “Azadlıq” qəzeti  çıxartmalı idi ki, ay Əli Kərimli  sənin populyar jurnalistin həbsdədir, sənin minlərlə ehtiyac içərisində yaşayan insanların var, sən orda bu vəziyyətdə Qubada istirahət etməyə getməyin vacib idimi?

Aparıcı:     

 Cəbhədaşlarına bu cür münasibət Əli Kərimovun ətrafında elə bir hava yaradıb ki, sıravi bir partiya üzvü də özünə bəraət əldə etmiş sayılır. AXCP-də hər kəs Əli Kərimovun dəbdəbəli həyat tərzini görüb, özünə gün ağlamaqla məşğuldur. Təsadüfi deyil ki, Əli Kərimovun inhisarında olan “Bizim yol” qəzetinin əməkdaşı Müşfiq Hüseynov dövlət məmurundan nə az, nə çox düz 3500 dollar rüşvət alarkən yaxalandı. Budur cəmiyyətə əxlaq, ədalət dərsi keçmək istəyən Əli Kərimovun taktikası və siyasəti. Hələ sonradan utanmaz-utanmaz Müşfiq Hüseynov kimilərin hüquqlarını müdafiə edirik adı altında vay-şivən qoparırlar.
 Keçmiş cəbhəçiləri narahat edən məsələlərdən biri də Nəcəf Nəcəfov tərəfindən əsası qoyulan “Azadlıq” qəzetinin bu kökə düşməsidir. Bir zamanlar böyük bir imperiya ilə ölüm-dirim savaşına çıxan bir millətin qəzeti olan “Azadlıq”-ın indi ucuz sensasiya, qondarma siyasi qalmaqallar dalınca qaçması keçmiş hərəkat fəallarını getdikcə qəzəbləndirir. Ona rəhbərlik edən Qənimət Zahidov, Azər Əhmədov əslində əxlaq baxımından öz kefciyəzlərindən çox da elə uzağa getməyiblər. Yəqin ki, məşhur “Üç palma” əməliyyatı yadınızdadır. Dostlar Xocalı faciəsi gecəsi dərdlərini dağıtmaq üçün yaxşıca kef məclisi qurmuşdular. Bunlar millətin yaddaşında bir zamanlar azadlığın hayqıran səsi olan “Azadlıq” qəzetinin indiki şarlatan rəhbərləri, Əli Kərimov siyasətinin rəngbərəng qurbanlarıdır.

AXC-nin keçmiş üzvü Təhmasib Novruzov: 

 Azərbaycan Xalq Cəbhəsinin sədri və sədr olaraq məhz onun rəhbərliyi altında “Azadlıq” qəzetinin təsis olunmasına nail olan Əbülfəz Elçibəyin 70 illik yubileyinə hazırlaşırıq. Və biz artıq tədbirlərə start vermişik, müəyyən tədbirlər həyata keçiririk. Həm müsabiqə elan eləmişik, həm ayrı-ayrı görüşlər, ayrı-ayrı tədbirlər. “Azadlıq” qəzeti bu günə qədər bir dəfə də olsun hələ Əbülfəz Elçibəyin nə şəklini verir, nə onun haqqında yazı verir, heç sanki, Əbülfəz Elçibəyin 70 illiyi deyil, adama birdən elə gəlir ki, bəlkə Əli Kərimlinin 70 illiyinə hazırlaşırıq, bəlkə Qənimət Zahidin 70 illiyinə hazırlaşırıq, bəlkə Aqil Xəlilin 70 illiyinə hazırlaşırıq, Aqil Xəlil demişkən nədir bu insan? Bunu niyə bu qədər şişirdirlər, niyə bu qədər hay-küyə salırlar? Mən anlaya bilmirəm. Mən bayaq dedim Əli Kərimlinin cinsi azlığın nümayəndəsi olduğu artıq bəllidir. Və deməli bu partiyada və o partiyanın da nəzdində olan çünki “Azadlıq” qəzeti Azərbaycan Xalq Cəbhəsinin bazasında əgər Xalq Cəbhəsinin partiyası yaranırdısa, “Azadlıq” qəzeti də onun bazasında “Azadlıq”...  Azərbaycan Xalq Cəbhəsinin miraslarından biri kimi Azərbaycan Xalq Cəbhəsi partiyasının orqanı kimi fəaliyyət göstərməli idi və təsisçi də AXCP olmalı idi. Amma Xalq Cəbhəsinin partiyası yarandı, “Azadlıq” qəzeti isə kollektivin təsisat ilə çıxdı. Niyə? Yəni bu sabah partiyanı da əldən verəndə qəzeti əlində saxlamaq məqsədilə, yəni öz inhisarında saxlamaq məqsədilə. Kim bunlara ixtiyar verib, bu ixtiyarı? Bu qəzeti mən, digər hərəkatçılar təsis eləmişik. Bu gün bu hərəkatçılar ölməyib, sağdı. Əgər bir 7 nəfərimiz dünyasını dəyişibsə bu qəzeti təsis edənlərdən 7 nəfər dünyasını dəyişibsə, qalan 80–dən artıq insan bu gün sağ-salamatdır, yaşayır. Bizim gözümüzün önündəcə Azərbaycanın müstəqilliyi üçün çalışmış, bu yolda müstəsna  xidmət göstərmiş bir qəzeti bizim gözümüzün önündəcə belə bir biabırçı formaya  gətirib çıxarırlar. Aqil da hər şey olmuşdu, qalmışdı bircə bu ki, qəzetin əməkdaşı cinsi azlığın nümayəndəsidir. Həm də utanmadan, cinsi azlığın nümayəndəsi olmağına baxmayaraq, hətta utanmadan, həyasızcasına buna qarşı özünün özü kimi xəstələrin buna qarşı elədiyi bir cinayəti hansısa dövlət məmuruna qarşı, hayla-küylə ki, guya hansısa dövlət məmuru bunu döydürüb, bunu, bunu yara, yaralatdırıb, və s.

 AXC Ali Məclisinin keçmiş üzvü Ramiz Tağıyev:

Kiminsə,  hansısa nazirin, hansısa nazirlə şəxsi ədavəti var. Bəzən görürsən ki, bir qəzet tutaq ki, o birinin mövqeyini müdafiə edir, “Azadlıq” qəzeti də bu birinin mövqeyini müdafiə edir. Yaxud “Azadlıq” qəzeti vasitəsilə, dünənə qədər millətin qanını soran adamları. Yəni belə götürəndə ki, Azərbaycan xalqının özəlləşmə payını əlində alan insanlar artıq siyasi lider kimi reklama düşüblər. Yaxud dünənə qədər tənqid etdiyi insanları bu gün cəmiyyətə o cür....  bunun özünə böyük ustalıq lazımdır. Və yaxud da bunlar “qara piar” nəticəsində gəlin görək Xalq Cəbhəsinin sıralarında, o Xalq Cəbhəsini yaradan insanlar, o Xalq Cəbhəsinin yolunda fədakarlıq göstərmiş insanlar, xəstəlik tapmış insanlar, hətta “Lefertovo”dan tutmuş rus zindanlarında yatmış, həbsxanalarında yatmış, zülm çəkmiş insanların taleyi bunları görən ilgiləndirirmi? Yəni əksinə qısqanclıqdan, qısqanclıqdan onlara qara yaxmaqdan da çəkinmirlər. Sonra da deyirlər ki, bizdən inciməyin. Bax bu məsələ var. Və yaxud mən həbsdə olarkən, nədən o səviyyədə mənim müdafiəm təşkil olunmadı. Nədən o cür də oooo... bu gün çox hörmət etdiyim professor Cəmil Həsənli Fərhad Əliyevin yolunda az qala canını qurban verməyə gedir. Ancaq bütün mətbuatda, xaricidə, qeyri yerlərdə, bəs nədən Ramiz Tağıyevin 10 ildən artıq Azərbaycan Xalq Cəbhəsinin Məclis üzvü olmuş, rayon təşkilatının sədri olmuş və kifayət qədər də xidmətləri olmuş millət qarşısında, Milli Azadlıq Hərəkatında o cür müdafiə təşkil olunmadı. Əlbət ki, burda bir səbəb var idi. Ramiz Tağıyevin maliyyə imkanları yox idi.

Aparıcı:     

Əli Kərimovun Azərbaycan mentalitetinə bu cür zidd siyasi vasitələrlə mübarizə aparması, ətrafına qarşı münasibəti onun bir insan kimi şəxsi keyfiyyətləri barədə də müəyyən fikirlərə yol açmağa başladı. 90-cı illərin sonuna kimi bu fikirlər kuluarlarda, sadəcə söz-söhbət xarakterli idisə, 2000-ci ilin əvvəllərindən daha da ciddiləşməyə başladı. Necə deyərlər cidanı çuvalda gizlədə bilməzsən. Onun şübhəli seksual orientasiyaya malik olması ilk dəfə parlament səviyyəsində müzakirəyə də çıxarıldı. Hamıdan fərqli olaraq, millət vəkili Əhəd Abıyev bu barədə daha açıq bəyanat verdi.

Milli Məclisin iclasında videolent nümayiş etdirilir. Videolentdə Əhəd Abıyevin çıxışı, çıxışdan sonra onunla Əli Kərimli və bəzi digər müxalifətçi deputatlar arasında yaranan mübahisə əks olunur.

Əhəd Abıyev (millət vəkili, Milli Məclisdəki çıxışı):

“Azadlıq” qəzeti bir məqalə verib -  Ən şanslı namizəd Əli Kərimov, qəzetin 1-ci  səhifəsində. Bildiyimiz kimi siz də bunu yaxşı bilirsiniz, 1999-cu  ildə respublika ərazisində  qanunsuz silah gəzdirdiyinə görə Bayıl türməsinə Əli Kərimov aparıldı, orda da 106-cı kamerada saxlanıldı. Hansı ki, bu  Xalq Cəbhəsi dövründə “malış” adı ilə, ləqəbi ilə Milli Təhlükəsizlik Nazirliyinin əməkdaşı kimi fəaliyyət göstərmiş ilkin kommunist, bu günkü gündə fəaliyyət göstərən kommunist bunu şərləyib tutdurduğu adamlar onu Bayıl türməsində, 106-cı kamerada ona qarşı təcavüz olunub və aidiyyatı üzrə müvafiq cavablarını veriblər. Bu faktdır, bunu heç kim dana bilməz. Belə bir şərəfsiz adama bu gün xaricdən, xaricdən bu adam ....., bu qanuni olan işdir.

Əli Kərimli (AXCP-nin sədri, ayağa qalxaraq):

 Kəs səsini, nə istəyirsən məndən? Biqeyrətin biri biqeyrət. Sənin başını qopardaram bədənindən, köpək oğlu.

Əhəd Abıyev (millət vəkili, ayağa qalxaraq):

 Ə, it oğlu it, otur aşağı şərəfsiz. Namizədliyini verib prezidentliyə, get otur yerində həyasız, otu yerində vicdansız. Ə kimsən sən, hansı əməlinə, hansı işinə görə.... “Malış” adı ilə “sukalığa” görə. Get gör, Nəriman İmranov nələr deyir. Otur, agent, milləti satan da sənsən, torpağı satan da sənsən, xaricdən “qoluboy”lar tərəfindən müdafiə olunan da sənsən. Bəsdir abırsız-həyasız. Bu nə qəzetdir, bu nə qəzetdir (əlinə “Azadlıq” qəzetini götürür), hansı sənin səlahiyyətinə görə, otur yerində. Şərəfsiz, binamus. Mənim günümə bax, “qoluboy” prezident, Azərbaycanın bu əksiyi idi.

Aparıcı:   

Millət vəkili 5 il əvvəl verdiyi bu bəyanatla  heç də Əli Kərimovu təhqir etmək fikrində olmadığını deyir. Sadəcə kimin kim olduğunu və Əli Kərimovun bütün əməllərinin haradan qaynaqlandığını cəmiyyətin diqqətinə çatdırmaq istədim. Özü də faktlarla deyir Əhəd Abıyev.
 
Millət vəkili Əhəd Abıyev:

Mənim məlum olan çıxışıma qədər, parlamentdəki çıxışım demək respublikanın bəzi qəzetlərində, ictimaiyyət arasında da bu fikirlər həm mətbuatda yazılmışdı, həm də ki, ictimai rəy də bu artıq cəmiyyətin özündə də var idi ki, yəni Əli Kərimovun o keçmiş hərəkətləri, əməlləri, onun pozulması barədə mən açıqlığı ilə Milli Məclisin özündə, parlamentdə Əli Kərimovla bağlı, yəni o tutarlı əsaslarla, faktlara istinad eləyib mən onun kim olduğu barədə, yəni həmin gün açıqlama verdim. Orada əsas məsələ ondan ibarət idi ki, yəni bu günləri ictimaiyyətdə belə bir rəy gəzib, dolaşırdı ki, Əli Kərimov Azərbaycanda, yəni o populist çıxışlarla, avantürist müxalifətyönümlü, guya ana müxalifət adı altında, yəni o cəmiyyətdə çaşqınlıq yaradırdı. Əhali arasında qarşıdurma yaratsın, respublikadakı sabitliyi pozsun. Onunla bağlı mən açıq-aşkar öz münasibətimi bir neçə Azərbaycan vətəndaşı kimi, parlamentin üzvü kimi, yəni bu adamın həyasızcasına parlamentə üzv olmağı ilə yanaşı üstəlik bu adam elə bir iddiaya, elə bir yəni fikrə düşüb ki, hətta deyir mən prezident də ola bilərəm. Əgər belə bir yaramaz hərəkətlərlə, yəni xaricin ki, guya o dəstəyi ilə. Mən də orda 1994-cü ilin may ayında Əli Kərimovun qanunsuz piket keçirməyi ilə bağlı onun tutulub Bayıl türməsinə aparılıb, 106-cı kameraya salınıb, 106-cı kamerada pozulması barədə və onun istər əməllərində, hərəkətlərində də bu əlamətlər özünü göstərirdi. Məsələn, adi bir faktı sizə deyim. O vaxtı indi hal-hazırda Rumıniyada səfir işləyən hörmətli Eldar Həsənov, sabiq baş prokuror özü də açıqlamasında dedi ki, Əli Kərimov o vaxt tutulub, Bayıl türməsinə aparılanda o əməllər barədə məlum onun barəsində cinayət işi gedəndə türmədə özünü saxlaya bilmədi və onun pozulması barədə  Eldar Həsənovdan xahiş eləyib ki, siz bunu gizli saxlayın, mən iqtidar müxalifət arasında körpü olaram və müəyyən o müxalifətdə olan gedişi, prosesləri sizə məlumat verərəm. Bunu Eldar Həsənov özü də öz çıxışında təsdiq elədi. Və bir dəfə də yadınızdadırsa o, keçən seçkidə də demək ərəfəsində Rəsul Quliyevə öz namizədliyini irəli sürəcəkdi, guya görüş keçirəcəkdi. Simferopolda aeroportda Rəsul Quliyev deyir ki, bu qurumsaq Əli Kərimov məni də aldatdı. Mən yorulmuşam pudra, krem almaqdan. (gülür) Axı bu deyirdi guya aeroportda çıxacaq  mitinq söyləyəcək, söz deyəcək, bu isə qaçıb gizlənib. Mən onun yaxın oturduğu silahdaşı yəni elə Qulamhüseyn Əlibəyli. Mənim o adama hörmətim var. Biz bir parlamentdə işləmişik. Ziyalı kimi, alim kimi, bir biz bir rayondanıq. Yəni bir dəfə “Görüş” kafesində Qulamhüseyn Əlibəyli özü də dedi ki, ə bu Əli Kərimli yaramazın biridir. Bizi də aldadıb, bunun toruna düşmüşük. Və fakt odur ki, keçmişdə bununla bir yerdə istər o məlum AXCP dövründə, yəni sizlər də oyanış dövrü var idi. O vaxtı o hərəkatın özündə də o yaxınlıq elədiyi dostların da satdı, onları da  aldatdı. Və bu adamın əsl daxili aləmi yəni kələkbaz, ikiüzlü, yaltaq, avantürist, populist çıxışları ilə kimlərisə aldatsın. Və məlum idi ki,  Rafael Allahverdiyev yadınızdadırsa Bakı Şəhər İcra Hakimiyyətinin başçısı  işləyən sabiq Rafael Allahverdiyevin özünə də gedirdi, adam göndərirdi biz mitinq eləcəyik, şəhərdə sabitliyi pozacağıq. Və o da məcbur idi, tutalım deyirdi ki, bu gün ayın 10-dur ayın 20-də mitinq olacaq, qəzetlərdə öz o qəzetlərində, “Azadlıq” qəzetində belə bir elan da verirdilər. Sonra elçi göndərirdilər Rafael Allahverdiyevə, o da dedi... yaxşı sabitlik olsun deyə razılaşırdı. Onlar da bundan torpaq sahəsi, sərəncam, əmlak alırdılar, obyekt götürürdülər. Və götürürdülər, bu günləri də həmin əmlakları yüksək qiymətə satan bu Əli Kərimov özü kef içində yaşayır. Mən onu televiziyaya dəvət elədim üzbəüz, yəni siyasətdə ikiüzlülük, durum deyim çirkin oyunlar yox açıq mərd, mərdyana elə bunu durub efirdə də, müəyyən jurnalistlər qarşısında da fikir ayrılığı gətirmək olar müəyyən məsələyə. Söz də demək olar. Və ictimai-siyasi hadisələrdə, mübarizə meydanında siyasətçilər döyüşə də bilərlər, yəni söz deyə də bilərlər, fikir, münasibətini bildirərlər. Mən onu dəfələrlə yəni məlum olan çıxışımdan sonra dəvət elədim televiziyaya müəyyən onun istədiyi jurnalistlərlə birgə, amma o bu görüşdən qaçıb gizlənib. Hansı ki, elə mən onu parlamentdə kim olduğunu açıqlama gətirib deyəndən sonra parlamentə bir daha gəlmədi. O utandığından qaçıb gizlənirdi.
 
Aparıcı:   

Əhəd Abıyevdən bir neçə il sonra yəni 2005-ci ilin yayında Əli Kərimovun məşhur Türkiyə səfəri və İstanbul hava limanında bir qrup seksual azlıqlar tərəfindən gül-çiçəklə qarşılanması da Azərbaycanda ciddi rezonans doğurdu. Elə Türkiyə mətbuatı da bu barədə az yazmamışdı. Sonradan Rusiyanın gey. ru elektron saytında dünyanın məşhur geyləri sırasında Əli Kərimlinin yer alması bütün şübhələrə son qoydu. Seçkilər zamanı Əli Kərimovu tənqid atəşinə tutan Müasir Müsavat Partiyasına cinsi azlıqların hücumu da az şeylərdən xəbər vermirdi.

Geylərin hücumunu əks etdirən videosüjet nümayiş etdirilir. “Mavilər” əllərində plakatlar saxlayıblar: “Əli Kərmlidən əl çəkin”, “Konstitusion hüquqlarımızı tapdalamayın”. Süjetdə “mavi” danışır:

Çıxın görək “qoluboylar”ın hüququnu kim pozur çıxsın çölə, çıxsın bizim qabağımıza

Aparıcı:  

Ümumiyyətlə isə Əli Kərimlinin əməlləri ilə haqqında söylənilənlər arasında əlaqə olmasını elmi qaynaqlar da təsdiqləyir.

Psixoloq Dəyanət Rzayev:

İnsan doğulanda insan nə heteroseksual olur, nə də homoseksual olur. İnsan doğulanda əsasən biseksual olur. “To yest” o orientasiya hələ insanda müəyyənləşmir. Sonra onu eləyirlər. Məsələn də heteroseksual. Məsələn əgər oğlan uşağıdısa əgər artıq bu tərbiyə ilə bağlı insan dəyişir olur “konkretno dopustim” heteroseksual. Amma buna xəstəlik kimi baxmaq haradasa düzgün deyil. Digər tərəfdən irsi faktorlar irəli sürülür, amma irsiyyətlə bağlı hələ heç bir belə elmi sübut yoxdur ümumiyyətlə. Burda bir neçə faktor var düzdü. Mən sizə deyim ki, 1-ci psixoloji faktor burda var, fizioloji faktor var və sosial faktor var. Sosial psixolojiyə haradasa bir yerdə də baxmaq olar. Amma fizioloji faktoru ayrı yanaşmaq olar. Məsələn elə insanlar var ki, belə deyək də hansılardakı əks hormonlar, məsələn əks cinsin hormonları daha çoxdur. Məsələn kişi xeylağıdır, qadın hormonları onda daha çoxdur. Görürsüz ki, onda bu özünü fiziologiyasında da göstərir. Səsində göstərə bilər məsələn  görürsüz ki, elə insanlar var ki, deyirlər endokrenopatiyada  məsələn müəyyən bir orqanları qadın orqanlarına daha çox uyğun gəlir, “çem” kişi orqanlarına. Psixoloji faktoru biz götürəndə  orada daha çox belə deyək də uşaqlıqda travmatik situasiyalarla ola bilər ki, özünü üzə verir də gələcəkdə məsələn uşaqlar travmatik situasiyalar olur. Məsələn mənim bir pasientim var idi, böyük kişi idi. Yaxşı yerdə də işləyirdi, yaxşı vəzifədə də işləyirdi amma belə bir gəlmişdi problemlə. Biz onu təhlil edəndə gördük ki, bu balaca olanda ondan bir 3, 4 yaşında böyük oğlan bunu, məsələn bununla cinsi əlaqəyə girmişdi də. Və ondan sonra onda bu travmatik situasiya düzdür  o homoseksual deyildi, amma onun davranışı,  və s bunu haradasa göstərirdi bəli.

Aparıcı: 
 
Əli Kərimovun da gənc yaşlarında uşaq koloniyasında bu cür təcavüzə məruz qaldığı artıq sirr deyil. Hətta onun yaxın silahdaşları da Əli Kərimovun oriyentasiyası haqda uzun uzadı danışmağa lüzum görmürlər.

AXC Ali Məclisinin keçmiş üzvü Ramiz Tağıyev:  

Bəlli məsələdir (gülür)

Keçmiş Daxili İşlər naziri İsgəndər Həmidov (gizli çəkiliş) :

Azərbaycanda pis yaxşı 50 nəfər adam var ki, iqtidar həmişə mənfi danışır. Bu 50 nəfərin içində niyə məhz onu seçiblər mən araşdırmalıyam. Bilirsiz niyə? 49 nəfər haqqında demək olardı da. Mənim haqqımda deyirlər bunun başı xarabdır, səbirsizdir, adam döyüb. Nə bilim başqa söz demirlər ki, demirlər ki, vətəni satıb, torpağı satıb. Ona görə mən araşdırmalıyam. Mən çox belə araşdırmalar apardım deməli o 10 gün yatıbdı dustaq. O vaxtı bu  Bayılda “Detskiy korpus” deyilən yer var, uşaq korpusu, bu uşaq korpusunda yatıb. Dustaq aləmində uşaq korpusunda yatmaq o dustaq dili ilə deyirəm, üzr istəyirəm “padlo” sayılır. Fəhmin Hacıyev də, orda yatıb uşaq korpusunda. Məsəl üçün mənim kimi adamı aparmaq istəyəndə, məsəl üçün damarlarımı kəsib doğrayaram, mən getmərəm. Mayis Səfərli, İsgəndər Həmidov, Mübariz Səfərli, İsa Qəmbər hərəyə bir epitet yapışdırırlar. Amma bu epiteti nəsə buna  yapışdırırlar. Ona görə də, mən də sizin kimi fikirləşirəm ki, ya bu haradasa bir səhv buraxıbdı, ya da özü bilmədən ya da onların biri ilə oturub çay içib. Ya da ki, onların demokrat oyunu elə belədə qurtarmalı idi də.

Aparıcı:

 Elmdə çoxdan sübut olunub ki, bu tip insanların səsi, üzündən tük çıxmaması eləcə də digər fiziki göstəriciləri qadınınkına daha çox bənzəyir. Və bu hormonal dəyişikliklər sonradan insanda xarakter, xasiyyət dəyişikliklərinə də gətirib çıxara bilir. 

Psixoloq Dəyanət Rzayev:

Mən deyərdim ki, homoseksualistlər arasında qısqanclıq daha güclü inkişaf edib.

Aparıcı:

İlkin dövrdə Əli Kərimovla bağlı bu cür məşhur olaylara provokasiya adı verilirdi. Və hamını inandırmağa çalışırdılar ki, guya o və onun rəhbərlik etdiyi partiya çox güclü olduğundan hədəfə götürülüblər. Amma sonradan keçmiş silahdaşları da görünən kəndə nə bələdçi deyib vəziyyətlə barışdılar. Birdəki, Azərbaycan müxalifətində heç də ondan zəif olmayan Müsavat, ADP və digər siyasi partiyalar da mövcuddur. Görəsən nədən onlar bu cür provokasiyalara düçar olmurlar. Bəlkə xoruz başını soxub kolluğa quyruğundan xəbəri yoxdur.

Keçmiş Daxili İşlər naziri İsgəndər Həmidov (gizli çəkiliş) :

  Əsasını mən axtarıram ki, haradasa bir fikirləşirəm indi insanıq fizioloji qolumuz var, onun üzünə tük çıxmır.

  AXC-nin keçmiş üzvü Təhmasib Novruzov:
 
Artıq bu fakt ortalığa qoyulanda Əli Kərimlinin də susması, buna  qarşı heç bir reaksiya verməməsi artıq məlum oldu ki, bu adam cinsi azlığın bir nümayəndəsidir. Cinsi azlığın da nümayəndəsinin Azərbaycanda hakimiyyət uğrunda mübarizə aparması,  siyasi bir quruma rəhbərlik eləməsi istər-istəməz Azərbaycan xalqının bir xalq olaraq bizim imicimizə xələl gətirən məsələdir. Nəinki, mən yenə qayıdıram söhbətin əvvəlinə Azərbaycan Xalq Cəbhəsi kimi Azərbaycan tarixində çox böyük xidmət, müstəsna xidmət göstərmiş bir qurumun, bir təşkilatın bazasında yaranan partiyaya rəhbərlik eləsin. Mən əvvəldən bunun biz Azadlıq Hərəkatçılar Birliyini yaradanda da öz fikrimizi dedik, öz sözümüzü dedik. Hətta Əli Kərimliyə açıq şəkildə bildirdik ki, sən bu partiyanın rəhbərliyindən getməlisən. Sən siyasi fəaliyyətdən uzaqlaşmalısan. Çünki, sənin adına çıxan bu biabırçı xəstəlik sənin... hamıya məlumdur. Təkcə Azərbaycana yox, artıq xarici ölkələrdə də məlumdur. Və bu gün Azərbaycanda ciddi bir təşkilata, siyasi təşkilata belə bir insanın rəhbərlik eləməsi bütövlükdə Azərbaycan xalqının imicinə xələl gətirən bir faktdır.

AXC Ali Məclisinin keçmiş üzvü Ramiz Tağıyev:
 
Siyasət əsl elmdir, əsl kişi sənətidir. O siyasət ki, mənim baxışımla millətə xidmət eləyir, xalqına xidmət eləyir, düzlüyə, həqiqətə xidmət eləyir əlbət ki, bu kişi siyasətidir. Bunu da əlbət ki, hər kişi apara bilmir. Əli Kərimlinin isə mən belə bir kişi siyasəti aparacağına artıq zərrə qədər ümid yerim qalmır ki, bu insan nə vaxtsa dəyişilər.  Çünki bu adam bu cür böyüyüb.

Aparıcı:
 
Elmi araşdırmalar və ekspert rəyləri də bunu sübut edir ki, bu tip insanların bütün əməlləri tutulduqları mərəz kimidir.  Onlar üçün bəraət qazandırıla bilməyəcək heç bir hərəkət ola bilməz. Adamları öz  məqsədləri üçün xırda pul kimi xərcləyərlər heç uf da deməzlər. Və məqsədlərinə çatmaq üçün lap elə şeytanın özü ilə də sazişə gedərlər. Bunu siz Əli Kərimovun öyrətdiyi və qurbanına çevirdiyi  Ruslan Bəşirlinin timsalında da gördünüz.

 Ruslan Bəşirli barədə süjet göstərilir. Ruslan Bəşirli danışır:

 Azərbaycanda pul qazanmalı sahələr kifayət qədərdir. Azərbaycanın neft sənayesi, güclü neft sənayesi var, mən bir daha deyirəm, turizm var. Mən başa düşürəm ki, Sizin üçün neft əsasdır. Biz bu ölkəni dəyişəcəyik və dəyişəndən sonra siz bizim ölkədə bizim ölkənin vətəndaşları kimi siz də işlər görəcəksiniz.

Aparıcı:

Əli Kərimov və onun qurbanlarının sayı Qənimət və Mirzə Sakit qardaşları, Ruslan Bəşirli, Aqil Xəlil kimi sadəlövh gənclərlə bitməyəcək. Və nə qədər ki, bu məkrli siyasət davam edir, yeni-yeni qurbanların olacağı istisna deyil. Amma millət vəkili Əhəd Abıyev 5 il öncəki sözlərinə əlavə olaraq, üzünü Əli Kərimlinin ətrafında olan gənclərin valideynlərinə tutur.

Millət vəkili Əhəd Abıyev:

Onlar sevinməlidir. Onun uşağı ölməyib, yaşayır. Çünki, belə anda, belə zamanda Əli Kərimov hətta onları qurban verməyə, gecə onları özü öldürüb, səhərisi durub onların valideynlərini qızışdırar ki, bax bunu hakimiyyət öldürdü, hakimiyyət gətirdi bu səviyyə çatdırdı. Yəni respublikada bu günkü sabitliyi pozmaq üçün, bu günkü dövlətə, millətə ziyan vurmaq üçün Əli Kərimov nəyə deyirsən gedər və getmək də istəyir. O valideynlərdən mənim xahişim nədir. O müəyyən o gənclər ki, Əli Kərimov öz ətrafına yığıb, onlara söz vəd verib. Bunu zaman da özü göstərib ki, həqiqətən də bu avantürist kimlərisə, cavanları açığın deyim öz toruna salır. Onları aldadır, onlara vəzifə söz verir. Və hakimiyyətə gələcək, bir gün bu olacaq, bunların hər birinə vəzifə. Və o valideynlərə də mən xahiş eləyirəm, özləri dərindən bir fikirləşsin və bunlar gedib o bu günləri hal-hazırda bəzi jurnalistlər ki var Əli Kərimovun toruna düşüb türmədə yatırlar, onların da uşaqları bu yola getməsinlər. Onlar açıqlığı ilə, reallığı ilə mən millət vəkil kimi açığını deyim elə hər zaman Milli Məclisin özündə də onların görüş keçirməyə hazıram, yəni bizim qəbul otağımız var. Harada da deyir İctimai televiziyanın özündə də, heç mən demirəm dövlət televiziyasında. Özəl televiziyaların özündə də harada deyir bir görüş keçirək. Lap valideynlərin özünlə də mən açıqlığı ilə onların özünə əsl reallığı, əsl həqiqəti və məndə olan tutarlı faktları da onlara göstərim.

Aparıcı:

Riyakarlığın qurbanları:
Əbülfəz Elçibəy və 102 nəfər Azərbaycan Xalq Cəbhəsi Hərəkatını yaradanlar Növbəti qurban kimdir?
(təsvir edilən xanalarda Qənimət Zahidov, Mirzə Sakit, Müşfiq Hüseynov, Ruslan Bəşirli əks olunur, bir xana boş qalır və orada sual işarəsi qoyulub)

29 aprel  2008-ci ilBakı, Azərbaycan

Reportyorların Azadlıq və Təhlükəsizlik İnstitutu (RATİ)
Ünvan: Azərbaycan, Bakı şəh., Behbudov 8, mənzil 85/86
tel: (+99 412) 418-03-34, fax: (+ 99 412) 598-45-19
e-mail: Bu E-Məktub adresinin spam botlara qarşı təhlükəsizliyi təmin olunmuşdur, görəbilmek için Javascript açıq olmalıdır.
web: www.irfs.az  skype: irfs.az